Ջուր
Հասկացիր զգացմունքներդ։
Նրանց համար, ովքեր ամեն ինչ խորն են զգում ու երբեմն հանգստի կարիք ունեն։
Գրիր։ Մտածիր։ Ստեղծագործիր։
Մի քիչ ժամանակ՝
ինքդ քեզ համար։
ASEJ-ը միայն անելիքները գրելու համար չէ։ Այստեղ կարող ես պլանավորել օրերդ, գրել զգացմունքներիդ մասին, կարդալ ու գունավորել։ Ընտրիր չորս օրագրերից մեկը և սկսիր, երբ ցանկանաս։
Ընտրիր քո օրագիրը ↓Սկսիր ցանկացած օրՉորս տարերքՆվերային հավաքածու
12 փակ բաժին5 շաբաթ՝ ամեն բաժնում2 լեզու՝ հայերեն և իսպաներեն1 օրագիր՝ իր բոլոր պարագաներով
Առօրյա հոգսերից մի փոքր դադար
Իսկ քեզ համար
ժամանակ մնո՞ւմ է։
Երբեմն այնքան ենք զբաղված առօրյա գործերով, որ չենք հասցնում մտածել՝ ինչ ենք ուզում ու ինչ ենք զգում։ ASEJ-ի պատմություններն ու հարցերը առիթ են մի պահ կանգ առնելու։ Կարող ես գրել այն, ինչ մտքիդ է գալիս, գունավորել կամ պարզապես կարդալ։ Օրագիրն օգտագործիր այնպես, ինչպես քեզ է հարմար։
Ո՞ր տարերքն է քեզ մոտ։
Ծննդյանդ օրը, քո զգացողություններն ու նոր մարտահրավերը։ Հինգ կարճ հարց՝ օրագիրդ ընտրելու համար։
Չորս տարերք։ Չորս տարբեր օրագիր։
Ջուր, Հող, Կրակ, Օդ։
Ո՞րն ես ընտրում։
Յուրաքանչյուր օրագիր ունի իր պատմությունները, հարցերը, նկարազարդումները, նամակներն ու ընթերցանության առաջարկները։ Ընտրիր այն օրագիրը, որի գաղափարն ամենամոտն է քեզ։
Հող
Փոքր քայլերով առաջ գնա։
Նրանց համար, ովքեր կարևորում են կայունությունն ու ուզում են օգտակար սովորություններ ձեռք բերել։
Կրակ
Արա այն, ինչ հետաձգում ես։
Նրանց համար, ովքեր ուզում են համարձակվել ու իրենց գաղափարներն իրականացնել։
Օդ
Նոր բան փորձիր։
Նրանց համար, ովքեր սիրում են ազատությունն ու միշտ նոր գաղափարներ են փնտրում։
Չորս օրագրերն էլ կարող ես պատվիրել հայերեն կամ իսպաներեն։ Բովանդակությունը նույնն է․ տարբերվում է միայն լեզուն։
Փակ էջեր, որոնք բացում ես ինքդ
Բացիր մի բաժին։
Մյուսները՝ երբ ցանկանաս։
Օրագիրը բաղկացած է տասներկու բաժնից։ Սկզբում դրանց էջերը փակ են։ Ընտրածդ բաժինը բացելու համար կտրում ես էջերի փակ եզրը և տեսնում ներսի տեքստերն ու առաջադրանքները։ Մյուս բաժինները կարող ես առայժմ փակ թողնել։
- 01
Նամակ գրիր քեզ։
Գրիր, թե հիմա ինչն է քեզ անհանգստացնում, ինչ ես ուզում անել և ինչ ես ակնկալում քեզնից։ Նամակը պահիր օրագրի վերջում գտնվող ծրարում, որպեսզի ավարտելուց հետո նորից կարդաս։
- 02
Բացիր քեզ հետաքրքրող բաժինը։
Պարտադիր չէ սկսել առաջին բաժնից կամ սպասել ամսվա սկզբին։ Ընտրիր քեզ հետաքրքրող բաժինը և բացիր դրա էջերը՝ կտրելով փակ եզրը։
- 03
Կարդա, գրիր, գունավորիր։
Կարդա պատմությունը, պատասխանիր հարցերին և գունավորիր նկարները։ Յուրաքանչյուր բաժնում կան նաև հինգ շաբաթվա պլանավորման էջեր։ Ամսաթվերը լրացնում ես ինքդ։
- 04
Վերադարձիր առաջին նամակիդ։
Երբ ավարտես օրագիրը, կարդա սկզբում գրածդ նամակը։ Տես՝ ինչ է փոխվել, ինչ ես արել ու ինչ ես հասկացել քո մասին։ Վերջում գրիր հրաժեշտի նամակ՝ հիշելով այն ամենը, ինչի համար շնորհակալ ես։
Յուրաքանչյուր բաժնում
Ի՞նչ ես գտնելու
էջերի ներսում։
Յուրաքանչյուր բաժնում կան պատմություն, հարցեր, գրելու և գունավորելու էջեր, ընթերցանության առաջարկ ու շաբաթական պլանավորում։
01
Կարմայի օրենքներից մեկը
Տեքստ՝ կարմայի տասներկու օրենքներից մեկի մասին, որն առաջարկում է մտածել քո որոշումների և դրանց հետևանքների շուրջ։
02
Պատմություն և հարցեր
Կարդա հերոսի պատմությունը և պատասխանիր դրան հաջորդող հարցերին՝ մտածելով քո սեփական փորձի մասին։
03
Գունավորելու նկար
Գունավորիր նկարը հավաքածուի մատիտներով։ Դրանց գույներն ընտրված են քո օրագրի տարերքին համապատասխան։
04
Ընթերցանության առաջարկ
Բաժնի թեմային առնչվող գրքի առաջարկ՝ հետագա ընթերցանության համար։
05
Գրառումներ և պլանավորում
Էջեր՝ մտքերդ գրելու և հինգ շաբաթվա անելիքները պլանավորելու համար։ Ամսաթվերը նախապես նշված չեն։
Օրագիրն ու իր պարագաները՝ միասին
Մի տուփում՝
ամբողջ հավաքածուն։
Օրագիրը գալիս է նկարազարդ տուփով և իրեն համապատասխան պարագաներով։ Տուփի, էջանիշների ու պիտակների վրա նույն տարերքի նկարազարդումներն են։ Կարող ես ընտրել քեզ համար կամ նվիրել մտերիմ մարդու։
- ASEJ օրագիրՏասներկու փակ բաժին · մոտ 180 էջ
- Նամակ և օգտագործման ուղեցույցՀեղինակի նամակը և օրագրից օգտվելու բացատրությունը
- Երկու էջանիշ և չորս կպչուն պիտակՔո տարերքի նկարազարդումներով
- Վեց գունավոր մատիտԸնտրված են օրագրի տարերքին համապատասխան
- Թելե ապարանջան՝ արծաթե խորհրդանիշովՏարերքի խորհրդանիշը պատրաստված է 925 հարգի արծաթից
- Նկարազարդ տուփՕրագրի նկարազարդումներով և գույներով
Ասյա Խաչատրյան · հիմնադիր և հեղինակ
Ինչպե՞ս ստեղծվեց
ASEJ-ը։
Ասյա Խաչատրյանը ASEJ-ը ստեղծել է իր ծնողների հիշատակին։ Նրանց կորուստը նրան ստիպել է նորովի մտածել ժամանակի մասին՝ որքան արագ է այն անցնում և որքան կարևոր է չհետաձգել այն, ինչ իսկապես ուզում ենք անել։
Հորից նա սովորել է գնահատել միասին անցկացրած ժամանակը, իսկ մորից՝ դժվարությունների մեջ ուժ գտնել ու սիրել։ Այդ հիշողություններն են ընկած ASEJ-ի հիմքում։
Օրագրերի հեղինակն Ասյան է։ Նկարազարդումները ստեղծվել են նրա մտահղացմամբ և պատվերով։ Օրագրերն ու հավաքածուները պատրաստվում են Հայաստանում։
Մի քանի հարց՝ սկսելուց առաջ
Հաճախ տրվող
հարցեր։
Կարո՞ղ եմ սկսել ցանկացած օր։
Այո։ Օրագիրը որևէ տարվա կամ ամսվա հետ կապված չէ։ Սկսում ես, երբ ցանկանաս, և ամսաթվերը լրացնում ինքդ։
Պարտադի՞ր է բաժինները բացել հերթով։
Ոչ։ Կարող ես հետևել օրագրի հերթականությանը կամ ընտրել քեզ հետաքրքրող բաժինը։ Այն բացելու համար պետք է կտրել էջերի փակ եզրը։
Ինչո՞վ են չորս օրագրերը տարբերվում։
Տարբեր են պատմությունները, հարցերը, նկարազարդումները, նամակներն ու առաջարկվող գրքերը։ Չորս օրագրերում նույնն են միայն կարմայի տասներկու օրենքներն ու դրանց հերթականությունը։
Ի՞նչ լեզուներով են օրագրերը։
Չորս օրագրերն էլ ունեն հայերեն և իսպաներեն տարբերակներ՝ նույն բովանդակությամբ։ Պատվիրելիս ընտրում ես լեզուն։
Ինչպե՞ս պատվիրեմ։
Օրագիրն ու լեզուն կարող ես ընտրել պատվերի էջում։ Յուրաքանչյուր հավաքածուն արժե 79 եվրո․ առաքումը Եվրոպայում և Հայաստանում ներառված է գնի մեջ։ Վճարումը կատարվում է Stripe-ի անվտանգ էջում։
Քո ընտրությունն է